Шах
Алкалоид стартуваше со победа против шампионот на Шведска
Шахистите на ШК Алкалоид успешно стартуваа на годинешниот Европскиот клупски куп во Струга, со висока победа од 5:1 против екипата “Lunds ASK” од Шведска, за што македонскиот клуб издаде официјално соопштение кое го пренесуваме во целост.
На првата табла велемајсторот Шахријар Мамедјаров со белите фигури рутински го надигра шведскиот велемајстор Смит Аксел. Шанкланд со црните фигури најпрво ја изедначи позицијата, а потоа ја превзема иницијативата и го победи својот поискусен противник. На третата табла, Јуриј Криворучко во „Сицилијанска одбрана“ спроведе неодбранлив напад на противничкиот крал. На ист начин, креирајќи матен напад, најбрзо до победата стигна новото засилување за ШК Алкалоид, Русинот Александр Предке, кој играше на петата табла. Најдолго се бореше Инаркиев, кој со црните фигури прецизно го надигра својот противник. Единствениот пораз за Алкалоид го забележа македонскиот интернационални мајстор Филип Панчевски. Во целина, искуството и повисоката шаховска класа беа доволни за победа, со што шахистите на Алкалоид ја оправдаа улогата на фаворит.
Првото коло помина без изненадувања и во другите мечеви, сите останати фаворити остварија победи: “Медни Всадник” од Русија, “АВЕ Нови Бор” – Чешка, “КПРФ” – Русија, “Офершпил” од Норвешка, итн. Следен противник на ШК Алкалоид е екипата на “Словен Рума” од Србија.
На женскиот турнир, шахистките на Алкалоид во првото коло се поразени од мариборската екипа “Тајфун” со 1,5:2,5. Одлична, сигурна победа на првата табла извојува Полина Шувалова, најдобрата светска јуниорка до 20 години, на втората табла Екатерина Аталик и покрај упорната борба мораше да се задоволи со реми. Сепак, противничките беа поуспешни на трета и четврта табла, против Ирина Булмага и Моника Стојковска. Во второто коло претстои дуел на македонските претставници, Алкалоид и МШК Центар.
-
Лига на шампионипред 22 часа
Гвардиола објасни зошто беа заменети Халанд и Де Брујне: Не планирав…
-
Лига на шампионипред 18 часа
Провокаторот Мбапе предизвикал тепачка во тунелот на „Монжуик“ (ВИДЕО)
-
Лига на шампионипред 24 часа
Херојот на Реал: Знаевме дека еден играч ќе ризикува…(ВИДЕО)
-
Лига на шампионипред 20 часа
Родри: Имаше само еден тим на теренот, но…
-
Шпанијапред 15 часа
Араухо: Подобро да не кажувам што мислам за изјавата на Гундоган!
-
Лига на шампионипред 14 часа
Херојот на Баерн се пофали со пласманот во полуфинале, Крос го истрола пред двете пресметки со Реал (Фото)
-
ВТАпред 20 часа
Ѓорческа запрена во осминафиналето во Копер
-
Лига на шампионипред 19 часа
Дали навивачите на Сити му пресудија на својот тим? Моментот кој влијаеше во пенал серијата (ВИДЕО)