Алкалоид со сигурно издание го расипа славеничкото расположение во Охрид

Алкалоид останува со максимален учинок и по 11 одиграни кола во македонската ракометна Суперлига, откако момците на Кирил Лазаров денеска успеаја да го расипат славеничкото расположение на „Рибари“.

Натпреварот кој се одигра во исполнетата сала „Билјанини извори“ мина во знакот на гостите од Автокоманда, па познатата навивачка група од Охрид прослави 35-години од постоењето во меч кој беше навистина едносмерен.

Поточно, Охрид успеваше да парира во првото полувреме и можеше да го следи темпото на лидерот на табелата, но сепак Алкалоид заигра многу поагресивно во одбрана во продолжение, што беше клучна за сигурна победа.

Алкалоид славеше со 22:29 и го расипа доброто расположение на „Рибари“, кои сепак мора да се пофалат за целата подготовка и за атмосферата која се погрижија во салата.

Мартин Серафимов беше играч број еден на теренот со 12 реализации зад своето име, додека во Охрид се истакнаа тројца поединци, Тасески, Цицар и Пешиќ кои постигнаа по четири погодоци.