Алкалоид продолжи да „меле“ и стигна до 11. победа во Суперлигата

Алкалоид пред само два дена имаше европски преизвик и не успеа да слави победа над Бјерингбро-Силкеборг, но тоа не им сметаше на избраниците на Кирил Лазаров во обидот да стигнат до нова победа во Суперлигата.

Тимот од Автокоманда е приказна за себе во А групата и денеска стигна до билан „11 од 11“, а најнова жртва на Алкалоид беше тимот на Аеродром.

Аутсајдерот изненадувачки парираше во првите 30 минути и имаше негатива од само еден гол, но тоа целосно се промени во вториот дел, во кој до израз дојде квалитетот на македонскиот вицешампион.

Резултатот во првиот дел беше 19:18, но во вториот Алкалоид славеше со 23:10 и оствари преубедлива победа од 42:28.

Фуриозното второ полувреме му ја донесе на Алкалоид 11-та победа во Суперлигата, па сега има максимални 33 бода, шест повеќе од второпласираниот Тиквеш.