Шах
„Алкалоид Опен“ со рекорден број учесници, тројца играчи на врвот
По наметнатата пауза поради светската пандемија од Ковид-19, викендов во Скопје повторно се рестартираше традиционалниот Отворен меѓународен турнир во забрзан шах, познат како „Алкалоид Опен“, организиран од најуспешниот шаховски колектив во Македонија и неговиот спонзор, компанијата „Алкалоид“.
Ова беше седмо издание на турнирот, а овој пат привлече рекорден број учесници, дури 227 од вкупно 7 држави. Покрај најдобрите македонски шахисти, имаше вкупно 36 играчи од странство, што говори за авторитетот на Алкалоид како спонзор и како клуб. Притоа, најмладиот учесник Михал Гиговски имаше 8 години, а највозрасниот ВМ Душан Рајковиќ од Србија имаше 80 години.
– Шахот ги поврзува и ги обединува луѓето од сите генерации во рамноправна игра, при што магијата е во тоа што исклучиво шаховското знаење и подготвеноста ја одлучуваат секоја поединечна шаховска партија,- се вели во соопштението на ШК Алкалоид издадено во оваа пригода.
На врвот на турнирската табела со по 8 поени од 9 партии се најдоа тројца шахисти, а според дополнителниот судиски критериум првото место му припадна на српскиот велемајстор Синиша Дражиќ, пред Бугаринот Љубомир Данов и уште еден велемајстор од Србија, Борко Лајтхајм.
ФМ Александар Томиќ од Црна Гора и ИМ Ндерим Сарачи од Косово се најдоа зад нив со 7,5 поени, по што следува група од девет играчи со седум бода. Меѓу нив се и најуспешните претставници од Македонија, предводени од младите претставници ФМ Емил Ристески, Михаел Јорданов, Филип Михов и Матеј Звездакоски, додека приклучок кон оваа група фати ветеранот Владимир Тркаљанов.
Најдобри пласмани од шахистките имаа Моника Стојковска и Габриела Коскоска со по 6 поени, а наградени беа и најуспешните јуниори во своите старосни категории.
-
Шпанијапред 5 часа
Две ѕвезди на Реал „уловени“ во отворена дебата: Халанд е подобар од Мбапе (Видео)
-
АТПпред 17 часа
Медведев со невкусен коментар за тенисот како спорт: Ракети одат во вселената, а ние…… (Видео)
-
Англијапред 20 часа
Уште еден премиерлигашки клуб заврши со казна и одземени бодови, битката за опстанок станува „пеколна“ (Фото)
-
Италијапред 17 часа
Ачерби се огласи за расистичкиот скандал кој предизвика потрес во Италија: Знам што сум кажал на теренот
-
ВТАпред 4 часа
Трагедија во Белорусија: Почина момчето на Сабаленка, фановите шокирани од тажната животна приказна на тенисерката (Фото)
-
Шпанијапред 24 часа
Левандовски посочи што се крие зад подобрите изданија на Барселона: Во последните недели…
-
Светпред 19 часа
Германски бундеслигаш го прозва Пике: Нека дојде и да видиме дали ќе го промени мислењето (Видео)
-
НБАпред 19 часа
Невидена сцена во НБА лигата: Блек и Дик ги разменија дресовите и режираа циркус за паметење (Видео)