Алкалоид на чекор од пласман во осминафиналето на Европскиот Куп

Ракометарите на Алкалоид се на добар пат да обезбедат место во осминафиналето на Европскиот Куп на ЕХФ откако вечерва убедливо ја добија првата пресметка со Вест Виена.

Македонскиот претставник доминираше и славеше со 38:27 во Автокоманда, па со оглед на тоа што реваншот се игра на истиот терене ќе треба да се случи чудо, огромен пресврт за да избраниците на Кирил Лазаров не ги видиме во Топ 16 во ова натпреварување.

Алкалоид покажа дека е подобра екипа уште во првото полувреме во кое се стекна со предност од шест разлика (20:14), предност која продолжи да расте по паузата за конечни на крајот плус единаесет.

Петковски со десет гола беше прв стрелец, Серафимов имаше осум реализации, додека голманот Галевски десет одбрани.

Втората средба од оваа пресметка се игра утре од 19 часот.