Алкалоид го суреди Вардар во првото сезонско дерби во Суперлигата

Ракометарите на Алкалоид издвојуваа победа над Вардар 1961 до 33:30 во дерби натпреварот од првото коло во Суперлигата.

Клубот од Автокоманда пред неколку дена славеше над Еурофарм Пелистер во Супер Купот на Македонија, а оваа вечер пак му зема скалп на уште еден состав кој има највисоки амбиции во новата кампања.

Беше доста динамично на скопската пресметка на која избраниците на Лазаров сепак имаа повеќе решенија, полесно го пронаошаа патот до мрежата на гостите и заслужено го запишаа првиот триумф.

Алкалоид го доби првиот дел со 18:17 со погодокот на крилото Костески со звукот на сирената, додека во вторите 30 минута одново домашните ракометари беа чекор понапред, беа поквалитетни и ја заокружија оваа партија со триумф.

Најдобри стрелци во победничкиот тим беа Митев и Серафимов со по осум гола, Лазаревски кај Вардар беше прво име со шест реализации.