Алкалоид го преслуша вториот тим на Еурофарм Пелистер и го продолжи стопроцентниот старт на сезоната

Алкалоид беше најпријатна сензација во првата сезона во македонската елита, но веќе никој не гледа како изненадување на тимот на Кирил Лазаров, бидејќи станува збор за актуелен македонски вицешампион.

Момчињата на македонскиот селектор продолжија онаму кадешто застанаа на крајот на минатата сезона, па новата ја отвораат фуриозно и денеска стигнаа до третата победа.

По гостинските победи над Скопје 2020 и Охрид, Алкалоид денеска одигра меч во Автокоманда, а во салата во скопската населба падна вториот тим на Еурофарм Пелистер.

Пелистер 2 не можеше да се носи со играта на домашниот тим и брзо стана јасно дека бодовите ќе останат во Скопје, а доказ за доминацијата е фактот што избраниците на Лазаров постигнаа 23 и 19 гола во двете полувремиња.

На крајот, преубедливи 42:29 за убедлива победа над Еурофарм Пелистер 2, во која Џонов и Митев постигнаа по седум погодоци како најефикасни на натпреварот.