Алкалоид без проблеми го освои Прилеп

Ракометарите на Алкалоид без проблеми славеа над Прилеп во дуелот од 15.коло во Суперлигата.

„Сино-белите“ од Автокоманда триумфираа на ова гостување со 40:30, поточно дојдоа до 14. триумф во оваа фаза на шампионатот.

Фаворитот многу добро знаеше што сакаше на ова соочување и од минута во минута, период во период го кршеше отпорот на домашниот тим. По првиот дел избраниците на Лазаров водеа со 18:13, предност која во вторите 30 минути беше зголемена за уште толку за конечнии на крајот плус десет.

Петковски со шест гола беше прво име кај победникот, додека кај поразените Цветаноски постигна пет погодоци.

Во последното лигашко коло за оваа 2024 година Алкалоид оди на Тиквеш, додека Прилеп му гостува на Радовиш.