Алиоски се погрижи за шоу откако заигра за Ал Ахли после 18 месеци (Видео)

Езџан Алиоски беше нависитна трпелив и остана да тренира со Ал Ахли и покрај тоа што знаеше дека нема место за него во тимот исполнет со голем број странци, но долгото чекање на крајот заврши и македонскиот репрезентативец вчера првпат заигра после 18 месеци.

Популарниот Џани својот последен настап за Ал Ахли го имаше на крајот на август во 2023-та година, а после точно 538 дена, левиот бек дочека шанса да биде избран на еден натпревар.

Алиоски влезе како резерва на натпреварот во азиската Лига на шампиони против Ал Гарафа, а времето минато на теренот беше доволно за да се најде во центарот на вниманието.

И покрај тоа што не игра, Алиоски има извонредна конекција со навивачите на Ал Ахли, нешто за што доказ беше и начинот на кој беше пречекан, но и шоуто кое следело по крајот на мечот.

По победата од 4:2, Алиоски бил задолжен за одржување на атмосферата на стадионот, потпомогнат од најверните навивачите на клубот кои му даваа поддршка во тешките месеци кои ги остави зад себе.

Alioski Alioski 🗣️

Big love and we will be together forever 💚

– @ezgjanalioski 🫶🏻💚 pic.twitter.com/y6OkachAvn

— L A M (@AhIiFc) February 17, 2025