Алими: Ако постигнеме брз гол ќе биде полесно за нас

Македонската репрезентација се подготвува за првата средба во Лигата на нации, гостувањето кај Фарски Острови во Торшавн.

Тоа е натпревар  закажан за в сабота од 15 часот, натпревар на кој важиме за фаворити на хартија, меѓутоа тоа ќе мора да се потврди и на зелениот терен.

Никогаш не е лесно да се слави на гостински терен без разлика на било кој противник, ама да се оствари целта и да се освои првото место мора да се триумфира на ваквите соочувања.

Исник Алими ја има формулата за успех, а тоа е брз гол по кој според него се ќе биде полесно.

-Одиме по три сигурни бода во Фарски Острови. Тоа е репрезентација која е фокусирана на одбрана, нема премногу простор во последната зона, но треба да играме брзо, да најдеме простор и ако постигнеме брз гол ќе биде полесно за нас, -порача Алими.