Алхасан со магичен гол донесе победа за Шкендија, Силекс ја доби битката со шампионот (ВИДЕО)

Екипата на Шкендија продолжува да ниже победи во вториот дел од шампионатот во Првата лига, па така најновиот успех дојде во пресметката со Тиквеш.

„Црвено-црните“ во двете претходни рунди беа подобри од Вардар и Силекс, додека пак денеска го добија Тиквеш со минимални 1-0, победа многу вредна во трката затитулата.

Трите бода беа обезбедни со магичниот гол со пета на Алхасан во првото полувреме.

Во Кратово пак Силекс беше подобар од актуелниот првак Струга Трим Љум со 3-1. Домаќините преку Хрвановиќ, Маронг и Алиќ го расипаа дебито на новиот тренер на стружани Илчо Ѓорѓиоски.

Гостивар и Работнички одиграа без голови, додека Шкупи и Воска Спорт беа подобри од Пелистер, односно АП Брера со 3-1.