Алгуасил за играчот кој му кажа „НЕ“ на Ливерпул: Тој е во најголемиот клуб на светот

Ливерпул е прилично неактивен на трансфер пазарот, а кога се чинеше дека има пронајдено мета, играч кој може да слета на „Енфилд Роуд“ тој неочекувано реши да ги одбие.

Се работи за шпанскиот репрезентативец Мартин Зубименди за кого премиерлигашот беше подготвен да ја активира трансфер клаузулата, меѓутоа самиот играч на крајот се реши да остане, продолжи во Реал Сосиедад.

Со ова тој ги израдува сите навивачи на клубот, ама и тренерот Иманол Алгуасил кој не криеше дека е воодушенен од потегот на играчот за врска.

-Мора да се гордееме со Зубименди, тој му кажа „не“ на Ливерпул и покрај големите пари што му ги понудија. За мене Реал Сосиедад е најголемиот клуб и верувам дека Зубименди го мисли истото, па реши да ја одбие понудата на Ливерпул, -порача тренерот на шпанскиот прволигаш.