АлфаТаури го отпушти Де Врис, неговото место го зазема познато лице

Формула 1 тимот АлфаТаури реши да направи промена во возачкиот состав и го замени Ник де Врис со многу поискусен колега.

Од трката за ГН на Унгарија, друштво на Јуки Цунода ќе му прави искусниот Даниел Рикиардо, кој доаѓа како позајмен член од редовите на сестринскиот тим Ред Бул.

Де Врис потфрли со резултатите од почетокот на сезоната и е еден од само двајцата возачи кои немаат освоено поен досега.

34-годишниот Рикиардо доаѓа како освежување за АлфаТаури, а одговорните во тимот велат дека имал одлични времиња на последните тестирања на пневматици на Силверстоун.

Австралискиот пилот минатата сезона возеше за Мекларен, оваа година е само резервен возач на Ред Бул, а зад себе има осум победи во Ф1 шампионатот. Неговиот прв предизвик во тимот на АлфаТаури ќе биде во Унгарија на 23. јули.