Алексис шокираше со изјавата: Чекаме ред за миење, од тушевите излегува измет!

Чилеанската фудбалска репрезентација се наоѓа во немирни води и бележи навистина лоши резултати, а тоа донесе оставка од селекторот Берицо, но и многу проблеми кои сега изнудија и шокантна изјава од Алексис Санчес.

Долгогодишниот репрезентативец на Чиле се јави после последното реми кое го оставри неговиот тим со Парагвај (0:0), шанса која ја искористи за да зборува за катастрофалните услови на кои мора да се навикнат членовите од репрезентацијата.

Ѕвездата на Интер откри во каква состојба се тушевите во репрезентативниот камп, но и на стадионот на Коло Коло на кој често се играат домашните натпревари.

– Ние како тим сме навикнати да играме на „Ел Национал“ и таму секогаш ги даваме најдобрите партии, отидовме на два мундијали како тим. Треба да се зборува и за условите кои ни се нудат во последно време.

– Во репрезентативниот камп не работат три тушеви и дел од играчите мора да чекаат додека да се истушираат другите. На стадионот на Коло Коло пробав да се истуширам, но од тушот излезе измет! Дали ова се услови за национален тим, или за третокласен тим?, – прашува Алексис.