Александер-Арнолд за својата иднина во Ливерпул: Имам јасна цел, но…

Трент Александер-Арнолд и оваа сезона е важен дел од Ливерпул, сезона која може да биде и негова последна во премиерлигашот ако се земе предвид дека актуелниот договор му завршува на 30 јуни 2025 година.

Интерес за него има од Реал Мадрид и засега сите опции се отворени иако Трент секако ќе му даде предност на клубот за кој настапува од младите категории, клубот во кој е дел од првата екипа од 2016 година

-Најважни се трофеите, да бидам искрен. Сакам да освојувам трофеи. Јас сум играч кој е силно мотивиран од освојување трофеи. Тоа е веројатно клучниот фактор за сите, да имате карактер на елитен играч кој сака да победува и ќе направи се за да биде така. Тоа е она што ме движи.

-Сакам да бидам играч на Ливерпул најмалку уште оваа сезона и тоа е се што ќе кажам. Видете, јас сум во клубот веќе 20 години. Четири-пет пати го продолжував договорот и никогаш јавно не се водеа преговори. Така ќе биде и овој пат, -рече Арнолд и порача:

-Секогаш велев дека сакам да бидам капитен на Ливерпул. Тоа е мојата цел, моја желба, но да бидам искрен, дали тоа ќе се случи не зависи од мене. Му кажав на Арне Слот дека би сакал да бидам дефанзивец против кој никој во Европа не сака да се соочи. Навистина е освежувачки да имам тренер кој ќе ми помогне и ќе ми каже како да бидам подобар, -подвлече англискиот репрезентативец.