Алегри со чуден коментар кога беше запрашан за ангажманот на Погба: Кој е тој?

Стратегот на Јувентус, Масимилијано Алегри даде неочекуван и помалку чуден одговор на прашањето дали клубот ќе го ангажира Пол Погба од Манчестер Јунајтед.

Францускиот фудбалер од средниот ред наскоро ќе остане без договор и веќе преговара со неколку клубови каде би можел да ја продолжи кариерата.

Според медиумите, еден од клубовите е токму и Јувентус кој сака да го види играчот во своите редови.

Алегри на прашањето дали медиумските написи се вистинити се реши да се пошегува и да праша кој всушност е Погба.

– Погба? Кој е Погба? Не го знам. Дали тоа можеби е некој англиски збор?, -се пошегува Алегри со новинарите, а потоа продолжи во ист стил:

– Заборавив на Пол Погба, поминаа премногу години, -заврши стратегот на Јувентус.