Алегри: Примивме наивен гол, но ремито е праведен резултат

Јувентус испушти победа против Интер во последните секунди од полуфиналната пресметка во Купот, но тренерот Макс Алегри смета дека е праведен.

Ремито е најава за уште еден возбудлив дуел на реваншот во Милано, a Алегри џентлменски заклучил дека неговиот тим не направил голема разлика на теренот.

– Ова беше израмнет натпревар, а ние знаевме дека нема да ни биде лесно на теренот.

– Интер е во тежок период, но уште еднаш покажа дека се работи за квалитетна екипа.

– Разочарувачки е што бевме наивни кога натпреварот беше завршен, Костиќ требаше да биде поблиску до Дамфрис, а ние направивме наивна грешка. Знаевме дека се ќе се решава во реваншот, но можевме да избегнеме ваков гол на 20 секунди до крајот, – истакнал Алегри.

Интер ќе му биде домаќин на Јувентус на 26. април, а не важи правилото за предност на гол на гостински терен.