Поврзете се со нас

Италија

Алегри поднел оставка во Јувентус по потресот кој го предизвика Ањели, но бил премислен од Елкан

Објавено

на

Foto:twitter.com/juventusfcen

Масимилијано Алегри ја даде првата изјава откако стана јасно дека Андреа Ањели се повлекува од претседателската функција во Јувентус, одлука која донесе огромен потрес во Торино поради фактот што тоа повлече со себе уште неколку оставки.

Од најзначајните за издвојување се оние на Павел Недвед и Маурицио Аривабене, но оваа низа немала да сопре тука доколку не реагирал Џон Елкан, највлијателниот менаџер во компанијата која има мнозински пакет акции во Јувентус и Ферари.

Макс Алегри и спортскиот координатор Федерико Черубини заеднички ја доставиле оставката до раководството на клубот, но истата им била одбиена, со образложение дека тие остануваат многу важни за проектот во овие тешки времиња.

„Газета“ во својата ексклузива открива дека појаснувањето дошло токму од Џон Елкан, кој сега ќе има турбулентен период пред себе во кој ќе треба да изгради цел нов Управен одбор во кој ќе има доверба.

– Секогаш е многу позитивно да се чувствува блискоста од важните акционери и затоа му благодарам на Џон Елкан за овие зборови, – изјави Алегри откако бил разубеден во намерата да си замине од првиот тим.

Реклама
Реклама
Реклама

Популарни