Алегри откри какво мислење има за Јувентус по болниот крај во Торино

Масимилијано Алегри на доста непријатен начин си замина од Јувентус, или практично заработи отказ од клубот во финишот од ланската сезона, откако искусниот стручњак остави и доста лоша слика по освоената титула во Копа Италија.

Тоа беа доволно добри аргументи за Јувентус да му врачи предвремен отказ кој подолго време беше најавуван во јавноста, но и покрај ваквиот исход, Макс сега тврди дека нема „зла крв“ и дека нема лоши мисли за неговиот последен клуб во кој одработи две етапи.

– Џунтоли не е виновен за моето заминување од Јувентус. Имам солидна врска со мојот поранешен клуб и им посакувам се најдобро во иднина, – кратко и јасно изјавил Алегри во сатиричната телевизија „Striscia La Notizia“ која се емитува во Италија.

– Откако сум надвор од редовни обврски, многу ретко гледам фудбал. Во последно време, најмногу уживам во тенисот. Навистина се забавувам додека го гледам Јаник Синер. Тој е фантастичен играч и извонредно момче, – вели Алегри.