Алегри објасни каков медицински план има Погба

Првиот тим на Јувентус денеска одиграл подготвителен меч против У-23 тимот на „старата дама“ и ѕвездите на Масимилијано Алегри победиле 2:0, триумф кој од страна го следел и повредениот Пол Погба кој пред неколку дена се врати од специјалистички преглед во Лион.

Иако најавите од Италија беа достс драматични и дури се говореше за пропуштање на Светското првенство, на крајот Погба доби доста пооптимистички совети од своите сонародници, кои му препорачаа алтернативен третман за санирање на повредата на менискусот.

Погба сигурно ќе го пропушти стартот на сезоната, а Макс Алегри денеска обелодени како точно ќе се одвива планот на рехабилитација на играчот кој е клучен за неговиот проект.

– Јас не сум доктор и не знам што е најдобро за кариерата на играчот. Јас сум тука за да верувам во тоа што ми е кажано од лекарите.

– Сега ќе следи период од пет седмици во кои постојано ќе добива третман, а потоа се надеваме дека ќе го имаме назад во тимот што е можно поскоро, – изјави Алегри.