Алегри истакна еден фудбалер: Ова беше негов најкомплетен натпревар во дресот на Јувентус

Јувентус го доби дербито со Лацио со 3:1, а два од трите гола беа дело на Душан Влаховиќ, кој заработи комплименти од фановите поради начинот на кој ги постигна погодоците во мрежата на Проведел.

Сепак, тренерот Макс Алегри посебно го истакнал Федерико Киеза, кој беше стрелец на еден погодок.

– Мислам дека денеска Киеза го одигра најкомплетниот натпревар откако е во Јувентус.

– Ова го мислам од аспект на техниката, внимателноста и интензитетот на теренот, а создава и многу шанси за Влаховиќ кога игра поблиску до него.

– Секако, мора да се истакне дека сум задоволен од начинот на кој одигра целиот тим, од однесувањето на оние кои се најдоа на теренот, – изјавил Алегри.