Алегри има конкретна задача за МекКени: Мораш да дадеш…(ВИДЕО)

Екипата на Јувентус успешно го реализираше контролниот меч против Чезена, меч на кој победи со 3-1, а еден од головите беше дело на Вестон МекКени.

Американецот одлично се снајде во противничкиот шестанесетник, се ослободи од неколку играчи по што ја смести топката во мрежата на Чезена. Тренерот Масимилијано Алегри секако беше задоволен и среќен поради голот, но ја искористи оваа прилика за да му испрати порака на Вестон.

-Мораш да даде десет голови во оваа сезона, -истакна Алегри.

МекКени од минатата кампања е дел од „бјанконерите“, првата сезона ја заврши со 6 голови и 3 асистенции на 46 натпревари.