Алегри и Мурињо на врвот во Серија А, тренерот на најголемото изненадување со втора најмала плата

Италијанскиот медиум „Кориере дело Спорт“ ги објави платите на тренерите од Серија А, потврдувајќи дека најплатени стручњаци се Макс Алегри и Жозе Мурињо.

Според ова рангирање, Алегри и Мурињо заработуваат чисти 7 милиони евра по сезона и се далеку пред останатите колеги од ривалските екипи.

Зад тренерите на Јувентус и Рома е Симоне Инѕаги, кој по продолжувањето на договорот заработува по 5,5 милиони евра по сезона.

Стефано Пиоли го одведе Милан до шампионска титула, но заработува 4 милиони, по што следува Лучијано Спалети со годишна плата од 3,2 милиони евра.

Андреа Сотил кој му е тренер на нашиот Илија Несторовски во Удинезе и успеа да ги претвори во „црно-белите“ во најпријатно изненадување, по сезона добива само 300.000 евра или над дваесет пати помалку од Алегри и Мурињо.

Најмала плата добива Паладино (200.000 евра), кој ја презема Монца и во меѓувреме му ја донесе првата победа над тимот и тоа над Јувентус.