Албон го истрола Алпин и објави во кој тим ќе вози следната Ф1 сезона

Вилијамс денеска ги информираше медиумите за продолжување на соработката со Алекс Албон, а самиот пилот реши да истрола ривалски тим со објавата на социјалните мрежи.

Албон останува во Вилијамс, а тоа го соопшти на начин со кој му фати сеир на Алпин, кој пак вчера се најде во центарот на вниманието поради конфузијата со објавувањето на соработката со Оскар Пјастри.

– Разбрав дека со моја дозвола, Вилијамс објавил соопштение дека ќе возам за нив следната сезона. Ова е точно и потпишав договор со нив за 2023 година, – напиша Албон, алудирајќи на вчерашниот хаос кај францускиот тим.

I understand that, with my agreement, Williams Racing have put out a press release this afternoon that I am driving for them next year. This is right and I have signed a contract with Williams for 2023. I will be driving for Williams next year.

😂 let’s gooo @williamsracing 💪 pic.twitter.com/NNljcXOieE

— Alex Albon (@alex_albon) August 3, 2022

Алпин вчера соопшти дека замена за Алонсо во болидот ќе биде Оскар Пјастри, но возачот објави дека не се согласува со соопштението кое го објавил тимот.

– Разбрав дека без моја согласност, Алпин испратил соопштение дека ќе возам за нив наредната сезона. Тоа не е точно, не сум потпишал договор со нив за 2023-та година. Нема да возам за Алпин наредната сезона, – порачува Пјастри.