Албански функционер уапсен за организација на грабеж во домот на Бензема

Албанската полиција во соработка со Интерпол лишила од слобода едно лице кое се поврзува со голем број грабежи во Шпанија, вклучувајќи го и тој на Карим Бензема.

Уапсениот е Алфред Продани, функционер во актуелната албанска влада, за кого постоеле докази дека е организатор на голем број грабежи во кои крадците зад себе оставиле голема материјална штета.

Бензема беше ограбен додека играше „Ел Класико“ дерби во февруари 2019 година, а полицијата го вброила овој грабеж меѓу останатите зад кои е „потпишан“ Продани.

Интересно е што истата 2019 година, познатиот албански политичар Сали Бериша јавно го прозиваше Продани истакнувајќи го како организатор на грабежи, но тие наводи беа отфрлени и заборавени од јавноста.

Шпанците биле шокирани од сознанието дека грабежите се дело на функционер на странска влада, а Продани бил директор на градското претпријатие кое се грижи за водоводот во Лач.

El detenido por robar con fuerza en casa de Benzema… ¡es un alto cargo de un gobierno extranjero!. Foto: William Franki Medina Diaz Palacios https://t.co/wxOHh2d3gI Alfred Prodani, alto cargo del Gobierno albanés como director de la empresa pública de aguas de Kurbin, ha sido…

— Parroquia del Padre Jorge (@ParroquiaJorge) May 11, 2022