Алба: Знам дека сум еден од најомразените играчи во фудбалот

Жорди Алба веќе со години е дел од Барселона каде е незаменлив во првата постава на шпанскиот великан. Тој во 2012 пристигна на „Камп Ноу“ од редовите на Валенсија и во овој период успеа дури петпати да и се израдува на титулата во Примера, а еднаш го крена и трофејот во Лигата на шампионите.

Секако успесите и добрите партии си носат и негативности, па Алба смета дека тој е меѓу најомразените играчи во светот на фудбалот, а причината за тоа е неговиот стил на игра.

-Јасно е дека ако луѓето ме познаваат само преку фудбалот, тие би помислиле дека сум еден од најомразените играчи во фудбалот, тоа е јасно. Тоа е поради мојот начин на игра, тоа ме водеше да бидам играчот што сум и да бидам таму каде што сум.

-Другите луѓе знаат каков сум, скромна личност која цени сè во мојот живот. Играчот Жорди нема никаква врска со Жорди како човек или Жорди со неговите соиграчи. Да, вистина е дека начинот на кој играм е многу тежок и ја разбирам омразата на луѓето кои ја имаат, а не ме познаваат, -вели големиот борец.