Алба испрати „проектил“ за прва плејоф победа на Интер Мајами (Видео)

Лионел Меси не успеа да ги реализира своите шанси за да постигне гол на дуелот со Атланта, но Луис Суарез и Жорди Алба се погрижија за победнички старт (2:1) на Интер Мајами во плејофот на МЛС.

Екипата со најдобар скор во регуларниот дел на сезоната успеа да го добие првиот дуел во серијата „подобар од три“ против секогаш незгодната Атланта, единствената екипа која сезонава стигна до победа против тимот од Флорида со Меси во составот.

Суарез уште во 2. минута донесе водство за Интер Мајами, но гостите израмнија пред крајот на полувремето, казнувајќи ги сите нереализирани обиди на домаќинот.

Меси не успеа да реализира ниту во продолжението, но затоа во 60. минута му испрати топка на Алба, кој испрати проектил од голема далечина и ги постави конечните 2:1.

🎯 Jordi Alba’nın müthiş golü pic.twitter.com/rhQVK6IYmL

— Fanatik (@fanatikcomtr) October 26, 2024