Алба испорача рекордни четири асистенции, Интер Мајами постигна четири гола за победа (Видео)

Интер Мајами и натаму не може да смета на повредениот Лионел Меси, но утринава успеа да обезбеди следна фаза во таканаречниот Лигс куп.

Составот од Флорида го победил Торонто со 4:3 во натпревар на кој и двете екипи не се прославија со играта во одбрана, но на крајот Интер Мајами постигна гол повеќе и ќе го очекува следниот противник на турнирот на кој играат екипи од САД и Мексико.

Она што посебно може да се истакне од средбата се рекордните четири асистенции на Жорди Алба, кој доби заслужени комплименти бидејќи асистираше за сите четири погодоци на својата екипа.

Не само што тоа е индивидуален рекорд за Алба, туку е и рекорд во Лигс купот, а и ретко кој фудбалер може да се пофали со ваков ефект во некое професионално натпреварување.

Jordi Alba’s four assists tonight:

New career record ✔️
New @LeaguesCup record ✔️
Sealed Miami’s 4-3 win ✔️ pic.twitter.com/LI5exIk5rx

— Major League Soccer (@MLS) August 9, 2024