Аларм во Италија: Скамака заработи ужасна повреда при прием на топка (Видео)

Џанлука Скамака беше прва опција на Лучано Спалети на Европското првенство во Германија, но во период кога се подготвува за новата сезона, напаѓачот на Аталанта заработи повреда која изгледа максимално сериозно.

Аталанта и Парма денеска играа пријателска во загревањето за новата сезона, а навивачите на клубот од Бергамо добија ужасна вест во врска со својот најдобар голгетер.

Скамака си нанесе ужасна повреда на коленото по лошо приземјување со левата нога, а сето тоа се случи при еден прием на топката во противничкиот шеснаесетник.

Коленото на Џанлука неприродно се изврте и веднаш стана јасно дека нема да може да продолжи, па потребна му беше и асистенција за да го напушти теренот.

Италијанските медиуми стравуваат дека станува збор за најцрно сценарио и кинење на предниот вкрстен лигамент, нешто што би било сериозен удар за Аталанта, но и за репрезентацијата.

🚑 𝐀𝐥𝐥𝐚𝐫𝐦𝐞 𝐒𝐜𝐚𝐦𝐚𝐜𝐜𝐚: 𝐟𝐢𝐧𝐢𝐬𝐜𝐞 𝐊𝐎! 😰

Gianluca #Scamacca è costretto ad abbandonare il campo al 49’ a causa in un infortunio che non lascia presagire 𝐧𝐮𝐥𝐥𝐚 𝐝𝐢 𝐛𝐮𝐨𝐧𝐨.

Entra al suo posto Charles De Ketelaere.
#atalanta pic.twitter.com/VYC6F7hDUi

— Sportitalia (@tvdellosport) August 4, 2024