Алардајс: Нема шанси Салах да ја освои „Златната топка“, таа ќе заврши…

Поранешниот англиски селектор, Сем Алардајс даде интересен коментар за тоа каде ќе завршни „Златната топка“ за оваа година.

Многумина го гледаат Мохамед Салах како прв кандидат за најпрестижната награда со оглед на тоа што има страшна сезона во Ливерпул, тим кој исто така игра одлично, конкурентен е за титули и се чини дека тоа е формулата која може да донесе резултат, огромно признание за интернационалецот од Египет.

Меѓутоа Алардајс предвидува друго сценарио во кое Салах ќе остане со празни раце затоа што „Франс Фудбал“ нема да сака одново да го налути Реал Мадрид и наградата ќе заврши кај Винисиус Жуниор.

-Нема шанси. Тоа ќе биде Винисиус Жуниор поради она што Реал Мадрид го направи минатата година. Тие нема да се појават ако некој од нив не ја освои, па еден од нив ќе победи. Можеби да се обложите на тоа, -порача популарниот Биг Сем.