Ал Келаифи го „прецрта“ Роналдо, но будно ја следи новата англиска ѕвезда: Каков фудбалер……

Насер Ал Келаифи се чувствува како домаќин на Светското првенство кое се одржува во Катар, но и од таму успева да ја разбранува европската спорстка јавност со актуелни изјави за клупските случувања.

Првиот човек на ПСЖ пред неколку дена му се закани на градот Париз и постави ултиматум за купување на „Паркот на принцовите“, а последно даде најискрена изјава за шпекулациите кои почнаа да кружат во јавноста.

Кристијано Роналдо вчера демантираше дека постигнал договор со Ал Наср, што отвори простор за гласини дека може да заврши во редовите на ПСЖ.

– Со тројцата играчи во нападот кои ги имаме во моментот, нависитна е многу тешко да го доведеме Кристијано Роналдо.

– Сепак, јас му посакувам се најдобро во кариерата. Тој и натаму е фантастичен и останува неверојатен играч во светскиот фудбал, – вели Ал Келаифи, кој не крие дека е заинтересиран за Џуд Белингем.

– Каков играч. Англија треба да биде среќна што има таков фудбалер во својот тим. Тој е еден од најдобрите на турнирот во Катар. Сите големи клубови сакаат да го имаат и нема да кријам дека истото важи и за нас. Сепак, мора да се покаже почит кон актуелниот клуб за кој игра. Ако решиме да испратиме понуда, прво ќе зборуваме со клубот, – изјави Насер.