Академија ФМП конечно победи, вториот тим на МЗТ испадна во втора лига

Академија ФМП не е во опасност за испаѓање од елитата, но денеска конечно запиша прва победа во плејаутот и го скрши мразот кога е во прашање оваа фаза од сезоната.

Во дуелот со Работнички, „академците“ ставија крај на серијата од четири порази и победија на гостувањето со 87:92, триумф кој се решаваше во последните секунди од возбудливата пресметка.

Кошанин со тројка го сврте мечот во корист на гостите, а Бакоч стави точка на победникот и ги реши сите дилеми околу тоа кој ќе ги освои бодовите.

Инаку, најефикасен играч на мечот беше Тодоровски со 32 поени, додека во поразениот тим се истакна Балмазовиќ со 27 поени.

На останатите два натпревари, Куманово со победа од 97:78 го испрати вториот тим на МЗТ во втора лига, додека Ангели славеше над Кожув со 78:68.