Ајнтрахт остана без главната ѕвезда за дуелот со Реал, Германците му договорија трансфер во Јувентус (Фото)

Јувентус имаше ужасна контролка против Атлетико Мадрид изминатиов викенд и на најлош начин се подготви за новата сезона во Серија А, која Макс Алегри ќе ја започне со доста повредени фудбалери и доста прашалници околу конечниот тим со кој ќе располага.

Она што е сигурно, тренерот на Јувентус ќе може да смета на крилниот фудбалер кој Јуве го меркаше цело лето, а кој утрово и официјално е договорен по напорните преговори со Ајнтрахт Франкфурт.

Филип Костиќ нема да отпатува со тимот на Ајнтрахт во Хелсинки и нема да игра против Реал Мадрид, бидејќи двата клуба го договориле неговиот трансфер во Торино.

Најдобриот играч во Лигата на Европа минатата сезона блескаше во дресот на Ајнтрахт, па сега српскиот репрезентативец ќе му прави друштво на Душан Влаховиќ во Јувентус.

Сите угледни новинари од Германија ја пренесоа информацијата дека Костиќ нема да биде дел од тимот на Ајнтрахт против Реал и дека последниот меч го одиграл против Баерн Минхен изминатиов викенд, а клубот за неговиот трансфер ќе добие 17 или 18 милиони евра.

Веста за напредните преговори со Јувентус ја потврди и самиот клуб со официјално соопштение, во кое се вели дека решиле да му ја исполнат желбата на фудбалерот по неверојатната сезона која ја имаше лани.

❗️News #Kostic: He WON’T fly with the team to the Supercup in Helsinki today. Kostic will join Juventus Turin instead. Personal agreement since June. Now total agreement between the clubs. €17-18m in total. Massive loss for Eintracht. @Sky_Marc @SkySportDE 🇷🇸

— Florian Plettenberg (@Plettigoal) August 9, 2022

🦅ℹ️
Die Eintracht wird beim UEFA Supercup-Spiel gegen @realmadrid in Helsinki am morgigen Mittwoch auf Filip Kostic verzichten. Der Außenspieler steht in finalen Gesprächen mit einem neuen Klub.#SGE #RMASGE https://t.co/RZ8tW5PDgh

— Eintracht Frankfurt (@Eintracht) August 9, 2022