Ајнтрахт го уништи Вердер со голови од прекини (ВИДЕО)

Составот на Ајнтрахт Франкфурт издвојуваше висока победа од 3-0 на вечерашното гостување кај Вердер Бремен во рамките на Бундеслигата.

Мрежите мируваа еден час по што избраниците на Хутер ја преземаа иницијативата и трипати ја начнаа мрежата на домаќинот за убедлива победа. Првиот погодок беше дело на Андре Силва кој го искористи центаршутот на Костиќ и со глава ја смести топката на посакуваното место.

Потоа на сцена стапи резервистот Илсанкер кој само што влезе во игра даде гол за 2-0, односно по само 17 секунди минати на теренот што е најбрз даден погодок за еден играч кој влегува од клупата од сезоната 2004/2005 кога е во прашање Бундеслигата.

Истиот играч по уште еден прекин во 90 минута го постави конечниот резултат.

17 – Stefan #Ilsanker‘s goal 17 seconds after being substituted on is the fastest goal by a substitute in the #Bundesliga since the beginning of detailed data collection in 2004-05. Flash. #SVWSGE @eintracht_eng pic.twitter.com/abrqHKGlXj

— OptaFranz (@OptaFranz) June 3, 2020

Ајнтрахт сега има 35 бодови, додека Вердер останува на 25 и го очекува грчевита битка за опстанок во елитната конкуренција.