Ајакс победи после три месеци, навивачите не потфрлија по последниот судиски свиреж (Видео)

Ајакс денеска го одигра заостанатиот натпревар од третото коло во првата холандска Ередивизија, а навивачите на овој фудбалски великан конечно се израдуваа на една победа после пауза од три месеци.

„Копјаниците“ до денеска беа на дното на табелата со само пет освоени бода, но триумфот над Волендам ги носи над сигурната зона и ќе им донесе малку мир по турбулентниот период.

Ајакс успеа да слави на домашен терен и фановите конечно се израдуваа на еден триумф на „Јохан Кројф арена“, чувство кое последен пат го доживеаја на почетокот на месец август во воведното коло.

Домашниот тим денеска издоминира во секој поглед и сосема заслужено стигна до вторите три бода во сезоната, а најзаслужни за тоа беа Бергвајн и Акпом.

Со победата, Ајакс се искачи на 15-то место на табелата и има исто бодови како Витезе, но и одиграно и натпревар помалку.

🇳🇱❤️ Ajax fans and players celebrate a long awaited victory! 2-0 win tonight vs FC Volendam. pic.twitter.com/lX98E6PC75

— EuroFoot (@eurofootcom) November 2, 2023