Ајакс остана без пласман во Лигата на шампионите првпат по 14 години

Холандскиот великан Ајакс ја заврши сезоната со пораз од Твенте, но благодарение на победата на ПСВ остана на третото место на табелата во првенството.

Составот од Амстердам требаше да победи и да очекува кикс на ПСВ за преземање на второто место, но денешниот епилог го остави Ајакс на третото место.

Тоа значи дека првпат по 14 години Ајакс не е на едно од првите две места на табелата и нема да игра во Лигата на шампионите.

Тимот предводен од Џони Хејтинга ќе може да игра само во Лига Европа, што е потврда дека Ајакс нема да биде во европската елита првпат по сезоната 2009/10.

Шампионската титула во Холандија ја освои Феенорд.