Ајакс го претстави првиот Италијанец во својата клупска историја

Дресот на Ајакс го носеле многу големи фудбалски имиња, дел од нив биле и интернационалци, но интересно досега во составот од Амстердам не настапувал ниту еден италијански фудбалер.

Тоа ќе се промени од оваа сезона, бидејќи Ајакс денеска како засилување го претстави Лоренцо Лука.

21-годишниот напаѓач дојде од Пиза, каде се истакна со своите голгетерски способности, привлекувајќи го вниманието на многу европски клубови.

Лука беше младински репрезентативец на Италија и еден од најдобрите играчи во Серија Б, а навивачите го споредуваат со Лука Тони поради височината од 201 сантиметар.

Benvenuto, Lorenzo Lucca! 🇮🇹

— AFC Ajax (@AFCAjax) August 4, 2022