Агуеро споделил одлична вест за фановите на Ливерпул

Навивачите на Ливерпул се задоволни од актуелната форма на екипата и пласманот во Премиер лигата и Лигата на шампионите, но истовремено се загрижени поради евентуалното заминување на триото чии договори истакува по крајот на сезоната.

Посебно внимание се посветува на преговорите на клубот со Мохамед Салах, а некогашниот напаѓач Серхио Агуеро денеска споделил информација која ги израдува фановите на премиерлигашот.

– Од тоа што го дознав, Салах веќе потпишал двегодишен договор со Ливерпул.

– Тоа е најдобрата вест која сите во и околу Ливерпул можат да добијат овој период, – рекол Агуеро во еден фудбалски подкаст.

Покрај на Салах, во јуни истекуваат и договорите на Трент Александер-Арнолд и Вирџил ван Дајк.