Агуеро: Мбапе не ја заслужи „Златната топка“

Новиот освојувач на наградата „Златна топка“ ќе биде познат за еден месец, а уште отсега е јасно дека ќе има нов победник, откако актуелниот Лионел Меси не е меѓу номинираните 30 играчи.

Долго време се шпекулира со името на освојувачот на престижното признание, „Марка“ дури излезе со текст дека истото сигурно ќе заврши кај Винисиус, а такво нешто очекува и Серхио Агуеро.

Легендарниот аргентински напаѓач направил споредба меѓу ефектот на Вини и Килијан Мбапе и не е убеден дека Французинот заслужува конечно да стане носител на „Златна топка“.

– Оваа сезона Винисиус е подобар од Мбапе.

– Тој е фудбалер кој постојано создава опасност во противничкиот шеснаесетник, кога ја има топката веднаш можете да почувствувате дека ќе се случи нешто. Затоа сметам дека Бразилецот треба да ја освои „Златната топка“, тој покажа многу повеќе сезонава во однос на Мбапе, – рекол Агуеро.