Агентот на Одион Игало излезе со коментар за иднината на неговиот клиент

На крајот на овој месец договорот за позајмица на Одион Игало со Манчестер Јунајтед ќе истече и се уште не е познато дали тој ќе остане на „Олд Трафорд“ или ќе се врати во Шангај.

Сега во јавноста за прв пат со свој коментар излезе и агентот на фудбалерот кој појасни дека постои сериозна можност тој да остане во Манчестер Јунајтед.

Манчестер Јунајтед бара од Шангај да го остави Игало барем до крајот на сезоната, а Лади Салами изјави дека екс напаѓачот на Вотфорд би можел да остане на „Театарот на соништата“ уште подолго.

– Од една страна, Игало се чувствува многу добро во Манчестер и е многу блиску до договор за платата.

– Преговорите со Кинезите се одвиваат сосема добро. Од друга страна пак, по последните регулативи речиси е невозможно да се понудат пари како што нудат во Кина, -изјави Салами за „ФутМеркато“.

Одион Игало во неколку наврати појасни дека сака да потпише перманентно за Манчестер Јунајтед.