Агентот на Нејмар испрати порака за неговата иднина: Ние сме единствените луѓе…

Нејмар не се изнаигра како член на Ал Хилал, клуб во кој потешко се повреди по доаѓањето по што следуваше долга пауза и враќање на терените пред некое врема, меѓутоа тој камбек кратко траеше затоа што офанзивецот доживеа нов пех и одново е во „аут“.

Во меѓувреме се почесто се говори за иднината на напаѓачот со тоа што во изминатиов период актуелна е темата за трансфер во татковината. Неколку клубови се спомнаа, имаше и директна реакција од Палмеирас за ова прашање, меѓутоа Нејмар засега не мрда од Саудиска Арабија.

-Нема разговори за заминување на Нејмар од Ал Хилал. Тој е под договор и таму е многу среќен. Таткото на Нејмар и јас, ние сме единствените луѓе кои можеме да зборуваме за иднината на Неј. Не знам од каде доаѓаат неодамнешните гласини, -порача агентот на Бразилецот, Пини Захави.

Неј има договор до 30 јуни 2025 година.