Агентот на Камбијасо за нереализираниот трансфер во Сити: Се што објавија медиумите беше точно

Андреа Камбијасо беше поврзуван со трансфер во Манчестер Сити во текот на веќе завршениот преоден рок, но на крајот италијанскиот репрезентативец остана во Јувентус и ќе биде член на „бјанконерите“ барем до крајот на сезоната.

Медиумите долго пишуваа за интересот на Пеп Гвардиола за офанзивниот бек, а сега и неговиот агент потврдил дека англискиот првак го посакувал неговиот клиент.

– Она што можам да кажам е дека информациите во медиумите за активни преговори се точни.

– Точно е дека Гвардиола сакаше Камбијасо да се пресели во Сити.

– А, за тоа што се случи, ќе оставам објаснување да даде Јувентус, – рекол Џовани Биа, кој го претставува фудбалерот на торинскиот клуб.