Агентот на Каиседо за изборот на Еквадорецот: Ливерпул ќе беше посигурна опција

Моисес Каиседо беше еден од најспоменуваните фудбалери во последниот преоден рок, најмногу поради драматичниот дуел на Челси и Ливерпул за неговиот потпис.

Еквадорецот се одлучи за Челси во ситуација кога двата клуба имаа иста понуда кон Брајтон, но сезонава не може да биде задоволен од своите настапи и резултатите кои ги постигнува лондонскиот премиерлигаш.

Во последното интервју, агентот на Каиседо го образложил изборот на фудбалерот и признал дека Ливерпул ќе била побезбедна опција.

– Кога Ливерпул се појави со таа понуда, не беше лесно за мене, а ни за Каиседо.

– Но, Челси преговараше со нас од првиот момент и сакаа да го доведат по секоја цена и веднаш ја израмнија понудата на ривалот.

– Многу е тешко да одбиеш кога Ливерпул те сака во своите редови, а Јирген Клоп ти се јавува на телефон. Во моментов проектот на Ливерпул е постабилен, додека Челси има амбиции за следните сезони. Веројатно избирањето на Ливерпул ќе беше посигурна опција во моментов, – рекол Мануел Сиера.