Агентот на Гвардиол проговори за иднината: Неговиот напредок е неверојатен…

Јошко Гвардиол е еден од најдобрите играчи на Хрватска на овој Мундијал со што дополнително си ја зголеми цената на трансфер пазарот, а со тоа воедно и го сврте вниманието кон себе.

Дефанзивецот има само 20 години, но без разлика на возраста покажува многу зрели партии, има изданија кои се импресивни, па се некако изгледа како да е прашање на време кога РБ Лајпциг ќе се реши за негова продажба.

Меѓутоа Хрватот не се брза и нема намера по секоја цена да си замине од бундеслигашот каде има одлична соработка со тренерот Марко Розе.

-Во врска со евентуален трансфер во летото 2023 година, не брзаме и можам да појаснам дека нема преддоговор со ниту еден клуб. Секако, многу врвни тимови се информирани за него, но Јошко има долгогодишен договор во Лајпциг. Јошко се чувствува многу среќен во Лајпциг. Неговиот развој е неверојатен и РБ игра многу добро под водство на Марко Розе, -порача агентот на хрватскиот репрезентативец, Марјан Шишиќ за „Скај Германија“.

Гвардиол има договор со „биковите“ до 2027 година, а во моментов како најзагреан тим за неговите услуги е премиерлигашот Челси.