Агентот на Антони откри што точно мисли Бразилецот за Аморим

Антони многу добро ги сфати испратените сигнали од Рубен Аморим и побрза да си пронајде нова средина во јануарскиот преоден рок, а ако се суди според стартот, Бразилецот го чека нависитна добар период во редовите на Бетис.

Шпанскиот прволигаш го ангажираше големото разочарување на Манчестер Јунајтед со договор до крајот на годината, кое на првите три меча во дресот на Бетис постигна два гола и забележа една асистенција.

Антони на двапати беше избран и за играч на мечот од страна на Ла Лига, па во јавноста полека почнуваат да излегуваат прашања дали крилото ќе успее да си ја врати самодовербата во Бетис и дали може да си ја спаси кариерата на „Олд Трафорд“.

Неговиот агент тврди дека приказната меѓу Антони и Јунајтед не е дефинитивно затворена, барем не кога е во прашање размислувањето на Бразилецот.

– Клубови од Саудиска Арабија и Премиер лигата го посакуваа Антони во јануари, но Бетис беше најдобрата опција за него и првите натпревари го покажуваат тоа.

– Во договорот на Антони нема право на откуп од Бетис, а мојот клиент и натаму се уште многу го цени и почитува Аморим. Тоа е реалноста, неговата иднина во Манчестер Јунајтед се уште останува отворена опција, – вели Жуниор Педросо.