Агентите на Депај стапиле во контакт и со Манчестер Јунајтед, „ѓаволите“ ќе ангажираат нов напаѓач

Манчестер Јунајтед и дефинитивно ќе ангажира нов напаѓач во овој летен преоден рок, а во јавноста веќе се појавуваат имиња на фудбалери кои треба да пристигнат на „Олд Трафрд“.

Според дел од медиумите, меѓу опциите е и Мемфис Депај, игрчаот кој ќе си замине од Барселона и кој е многу блиску до премин во Јувентус.

Сепак, Манчестер Јунајтед доколку би бил заинтересиран да го врати Холанѓанецот во своите редови, би бил преферирана опција од страна на играчот, но за тој да се одлучи да го облече дресот на „ѓаволите“ од англискиот клуб требало да реагираат брзо поради тоа што преговорите со Јувентус биле веќе влезени во завршна фаза.

Од Јунајтед очигледно не брзаат, па трансферот на Депај на „театарот на соништата“ засега не изгледа ни малку блиску.

Она што може да се насети е дека Алваро Мората во ово момент е најблиску да го облече дресот на Јунајтед.

За неговите услуги Атлетико барал 35 милиони евра, а според Лори Витвел, Манчестер Јунајтед  немал проблем да ги плати тие пари за шпанскиот напаѓач кој ги помина сите големи клубови ширум Европа.

Опција за Манчестер Јунајтед е и Саша Калајџиќ од Штутгарт, па останува да видиме со кој офанзивец ќе се засили тимот на Ерик Тен Хаг.