Агбонлахор: Трансферот на Жезус е поважен од тој на Халанд

Габриел Жезус се раздели со Манчестер Сити и замина во Арсенал, а неговото место го зазема Ерлинг Халанд, кој веќе покажа дека ќе биде навистина големо засилување за англискиот првак.

Но, поранешниот англиски репрезентативец и напаѓач на Астон Вила, Габриел Агбонлахор, смета дека трансферот на Жезус во лондонскиот клуб е поважен од тој на Норвежанецот во Сити.

– За мене тој трансфер е број еден, затоа што Жезус го претвори Арсенал во целосно различен тим.

– Халанд секако е фантастичен фудбалер, но Сити играше одлично и доминираше постигнувајќи многу голови и без него, – изјавил Агбонлахор.

Жезус засега има 4 гола и 3 асистенции во дресот на Арсенал, додека Халанд веќе стигна до 14 погодоци за Сити.