Африканска земја во официјални преговори за организирање Формула 1 трка

Организаторите на Формула 1 одамна најавија дека сакаат да го прошират шампионатот и на африканскиот континент, а сега стана јасно и која земја е најблиску до ваква привилегија.

Претседателот на Руанда, Пол Кагаме официјално објавил дека неговата земја е во преговори да влезе во Ф1 календарот, со што ќе биде испишана историја во елитното натпреварување.

Ако биде постигнат договор, трките би се одржувале на патека која допрва ќе се гради во близината на градот Кигали.

Дизајнер на патеката е поранешниот Ф1 возач Александер Вурц, кој предводи тим кој во моментов работи и на новата патека во Саудиска Арабија, чие деби во Формула 1 се очекува во 2029 година.

Одговорните во Ф1 претходно се надеваа дека ќе можат да го вратат првенството во Јужна Африка, односно патеката која последен пат беше домаќин на трка во 1993 година, но тие преговори пропаднаа одамна. Сега Руанда е прв фаворит да добие африканско гран-при,