Адријан Њуи ја откри причината зошто го избра Астон Мартин пред Ферари!

Адријан Њуи е најголемото инженерско име во Формула 1 и по моментите кога беше неизвесно дали ќе ја продолжи кариерата или ќе се пензионира, тој го потврди својот нов ангажман во Астон Мартин.

Сопственикот на тимот, Лоренс Строл, го најави како акционер и воедно управувачки партнер за техничкиот оддел.

– Ферари беше една од опциите. Имав желба да работам и со Фернандо, но и со Луис. За жал, не беше можно со двајцата. Имаше различни причини, но фактот дека Лоренс ми понуди партнерство… Тој е сопственик како што имаше пред 20 години, како Френк Вилијамс и Рон Денис. Всушност, сега тој е единствен таков сопственик на тим,- откри Њуи за „Скај Спорт“.

Why Adrian Newey choose not to go to Ferrari 🔴 pic.twitter.com/wtIqNmXTYS

— Sky Sports F1 (@SkySportsF1) September 10, 2024

Њуи ја стекна својата слава во средината на 90-тите години конструирајќи ги болидите на Вилијамс кои користеа мотори на Рено, при што светски прваци станаа Дејмон Хил и Жак Вилнев. Потоа прејде во Мекларен Мерцедес, каде што освои две титули со Мика Хакинен, за од 2005 година да се префрли во Ред Бул каде што беше две децении и ги водеше успесите на Фетел и Ферстапен.

Неговиот трансфер се верува дека е со вредност меѓу 25 и 30 милиони долари по сезона.

Видео од прес конференцијата може да се погледне преку долната врска на официјалниот Ф1 канал на You Tube.