Адетокумбо оди на дополнителна пауза, ќе го пропушти и Ол-стар викендот

Милвоки остана без првата ѕвезда Јанис Адетокумбо на одреден период и ќе мора да се снаоѓа без него најмалку на натпреварите кои следуваат до НБА Ол-стар викендот.

Грчкиот кошаркар има мускулна повреда и мора да паузира и на наредните натпревари, при што ќе го пропушти и Ол-стар настапот, кој требаше да му биде дел од обврските следниот викенд.

Информацијата ја објавија добро информираниот новинар Шамс Чаранија и „ЕСПН“, што значи дека Милвоки се подготвува за дополнителен број натпревари на кои ќе биде сериозно ослабен.

Адетокумбо ги пропушти и претходните неколку натпревари, односно нема настап од 3. февруари, а сега станало појасно и дека нема да ја санира повредата пред Ол-стар викендот.

Милвоки досега има две победи и еден пораз без Јанис, а вечерва ќе се соочи со Филаделфија на домашен терен.